ԵՐԵՎԱՆ, 16 նոյեմբերի – Sputnik. Երևանի Ժակ Իվ Կուստոյի փողոցում՝ Վարդավառի լճի հետնամասում, «Nissan» մակնիշի ավտոմեքենան դուրս է եկել ճանապարհի երթևեկելի հատվածից և բախվել կայանած չորս ավտոմեքենաների։Կան տուժածներ։ Տեղեկությունը հայտնում է ՀՀ ՆԳՆ մամուլի ծառայությունը։
Նշվում է, որ վթարի մասին ահազանգը Ճգնաժամային կառավարման ազգային կենտրոնում ստացել են նոյեմբերի 16-ին, ժամը 00:40-ին։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
«Մինչ փրկարարների կանչի վայր հասնելը «Nissan» մակնիշի ավտոմեքենայի վարորդը և ուղևորը հոսպիտալացվել են բժշկական կենտրոն»,–ասվում է հաղորդագրության մեջ։
Փրկարարները հոսանքազրկել են «Nissan» մակնիշի ավտոմեքենան և փակել գազի բալոնի փականը։