Կիևյան կամրջի երթևեկությունը ժամանակավորապես կդադարեցվի

ԵՐԵՎԱՆ, 15 նոյեմբերի – Sputnik. Ամանորյա տոնական ձևավորման աշխատանքներով պայմանավորված` Կիևյան կամրջի երթևեկությունը ժամանակավորապես կդադարեցվի։ Տեղեկությունը հայտնում է Երևանի քաղաքապետարանը։

Վարորդները չեն կարողանա Կիևյան կամրջով երթևեկել նոյեմբերի 16-ի ժամը 23:00-ից մինչև նոյեմբերի 17-ի ժամը 07:00-ն։

Քաղաքապետարանը ժամանակավոր անհարմարության համար հայցում է բնակիչների ներողամտությունը: