ԵՐԵՎԱՆ, 15 նոյեմբերի — Sputnik. Ամերիկայի Միացյալ Նահանգներն ու Եվրամիությունը ցանկանում են, որ Հայաստանը մերձենաանդրատլանտյան դաշնակիցների հետ, և սխեմա են մշակում դա ապահովելուհամար։ Ինչպես հայտնում է ՏԱՍՍ-ը, ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ'Բրայենն այս հայտարարարությունն արել է Լեռնային Ղարաբաղի վերաբերյալ լսումների ժամանակ, որոնք կազմակերպվել են ԱՄՆ Կոնգրեսի Ներկայացուցիչների պալատի արտաքին գործերի կոմիտեում:
«Եվրահանձնաժողովի նախագահ Ուրսուլա ֆոն դեր Լյայենը հրապարակավ հայտարարել է, որ մտադիր է հանդիպում անցկացնել մեր և Հայաստանի միջև՝ Երևանը մեր համայնքին մերձեցնելու նպատակով։ Այս մասին մի քանի օր առաջ խոսել եմ ՀՀ վարչապետ Նիկոլ Փաշինյանի հետ: Մենք քննարկում ենք, թե դա ինչ տեսք կարող է ունենալ», - ասել է դիվանագետը։
Հիշեցնենք` ՀՀ վարչապետ Նիկոլ Փաշինյանն այսօր ԱԺ–ում կառավարության հետ հարցուպատասխանի ժամանակ հայտարարեց, որ ՀՀ–ն իր անվտանգային հարաբերությունները դիվերսիֆիկացնում է, քանի որ ռազմավարական գործընկերները օբյեկտիվ պատճառներով չեն կարողանում մեզ զենք վաճառել։ Դրա համար, ըստ նրա, ՀՀ կառավարությունը փնտրում ու գտնում է նոր անվտանգային գործընկերներ, կնքում է պայմանագրեր, ձեռք է բերում սպառազինություն։