ԵՐԵՎԱՆ, 14 նոյեմբերի – Sputnik. ՀՀ պաշտպանության նախարար Սուրեն Պապիկյանը ՀՀ և ԱՄԷ միջև պաշտպանության բնագավառում համագործակցության զարգացման հեռանկարներին առնչվող հարցեր է քննարկել ԱՄԷ պաշտպանության պետնախարար Մոհամմադ Ահմադ ալ Բովարդիի հետ։ Տեղեկությունը հայտնում է ՀՀ ՊՆ մամուլի ծառայությունը։
Սուրեն Պապիկյանի հանդիպումը ԱՄԷ պաշտպանության պետնախարար Մոհամմադ Ահմադ ալ Բովարդիի հետ
© Photo : press office of MoD of RA
Հաղորդագրության մեջ նշվում է, որ հանդիպումը տեղի է ունեցել այսօր, Պապիկյանի` ԱՄԷ այցի շրջանակներում։
Հանդիպմանը մասնակցել է նաև ՀՀ ԲՏԱ նախարար Ռոբերտ Խաչատրյանը։
Կողմերն իրենց պատրաստակամությունն են հայտնել ջանքեր գործադրելու համագործակցության զարգացման և այն իրավական հիմքերի վրա դնելու համար։
Հիշեցնենք` ՀՀ պաշտպանության նախարարն Արաբական Միացյալ Էմիրություններում է աշխատանքային այցով։
Նոյեմբերի 13-ին ԱՄԷ փոխնախագահ, վարչապետ, պաշտպանության նախարար, Դուբայի կառավարիչ Մոհամմեդ բին Ռաշիդ Ալ Մաքթումի հրավերով նա մասնակցել է Դուբայի ավիացիոն ցուցահանդեսի (Dubai Airshow) բացման արարողությանը: