ԵՐԵՎԱՆ, 14 նոյեմբերի – Sputnik․ Գերմանիայի կանցլեր Օլաֆ Շոլցն անհեթեթ է անվանել Թուրքիայի նախագահ Ռեջեփ Թայիփ Էրդողանի հայտարարությունները, որով նա Իսրայելին մեղադրել է ֆաշիզմի մեջ:
«Իսրայելը ժողովրդավարության երկիր է, որը հավատարիմ է մարդու իրավունքներին և միջազգային իրավունքին ու գործում է համապատասխանաբար։ Այդ պատճառով Իսրայելի հասցեին մեղադրանքներն անհեթեթ են»,- հայտարարել է Շոլցը մամուլի ասուլիսի ժամանակ։
Նոյեմբերի 10-ին Էրդողանը հայտարարել էր, որ Իսրայելի լեգիտիմությունը կասկածի տակ է դրվում սեփական ֆաշիզմի պատճառով:
Հատկանշական է, որ Էրդողանը նոյեմբերի 17-ին Բեռլինում պետք է բանակցություններ վարի Շոլցի և նախագահ Ֆրանկ-Վալտեր Շտայնմայերի հետ: