ԵՐԵՎԱՆ, 13 նոյեմբերի – Sputnik. Մեծ Բրիտանիայի նախկին վարչապետ Դևիդ Քեմերոնը նշանակվել է արտաքին գործերի նախարար։ Տեղեկությունը հաստատել է Մեծ Բրիտանիայի վարչապետի գրասենյակը։
«Դևիդ Քեմերոնը նշանակվել է արտաքին գործերի, համագործակցության և միջազգային զարգացման նախարար»,- ասված է վարչապետի գրասենյակի տարածած հաղորդագրության մեջ:
Նախկինում լրատվամիջոցները գրում էին, որ Քեմերոնը պետք է տեղ ստանա Լորդերի պալատում, որպեսզի նախարար դառնա։
Դևիդ Քեմերոնը 2010-2016 թվականներին եղել է Մեծ Բրիտանիայի վարչապետը։