ԵՐԵՎԱՆ, 12 նոյեմբերի - Sputnik. ՀՀ արտաքին գործերի նախարար Արարատ Միրզոյանը պաշտոնական այցով մեկնելու է Միացյալ Թագավորություն։ Տեղեկությունը հայտնում է ՀՀ ԱԳ նախարարության մամուլի ծառայությունը։
Նշվում է, որ գերատեսչության ղեկավարը ՄԹ–ում կգտնվի նոյեմբերի 13-14-ը։
«Այցի ընթացքում կայանալու է ՀՀ և ՄԹ արտգործնախարարների հանդիպումը, ինչպես նաև ՀՀ-ՄԹ ռազմավարական երկխոսության առաջին նիստը»,– ասված է հաղորդագրությունում:
Նախատեսված են նաև քննարկումներ և միջոցառումներ։