ԵՐԵՎԱՆ, 12 նոյեմբերի - Sputnik. Շիրակի մարզի Գյումրի–Ամասիա ավտոճանապարհի` Արփա լիճ տանող ճանապարհին բախվել են Mercedes մակնիշի 2 ավտոմեքենա։ Տեղեկությունը հայտնում է shamshyan.com-ը։
Միջադեպը տեղի է ունեցել նոյեմբերի 12-ին, ժամը 17:00-ի սահմաններում։
Նշվում է, որ վթարի հետևանքով 7 անձ տարբեր աստիճանի մարմնական վնասվածքներով տեղափոխվել են հիվանդանոց։ Տուժածներից 4-ը երեխաներ են, նրանք Գյումրու մոր և մանկան ավստրիական հիվանդանոցում են, իսկ մեծահասակները Գյումրու բժշկական կենտրոնում են:
Վթարի փաստով նախաձեռնվել է քրեական վարույթ: Իրավապահները պարզում են վարորդների և վիրավորների ինքնությունը: