ԵՐԵՎԱՆ, 10 նոյեմբերի – Sputnik. Գազայի հատվածում` «Ալ Բուրաք» դպրոցի ուղղությամբ իսրայելական հարվածի պատճառով առնվազն 20 մարդ է մահացել։ Ինչպես հայտնում է Al Jazeera հեռուստաընկերությունը, այս մասին հայտնել է «Ալ Շիֆա» դպրոցի տնօրենը։
Նշվում է, որ դպրոցում ժամանակավոր ապաստան գտած անձինք էին։
Իսրայելը հոկտեմբերի 7-ին Գազայի հատվածից աննախադեպ մասշտաբներով հրթիռային հարձակման է ենթարկվել պաղեստինյան ՀԱՄԱՍ շարժման ռազմական թևի հայտարարած «Ալ Աքսայի ջրհեղեղ» գործողության շրջանակներում: Դրանից հետո կազմակերպության զինվորականները ներխուժել են Իսրայելի հարավում գտնվող սահմանամերձ շրջաններ, որտեղ կրակ են բացել ինչպես զինվորականների, այնպես էլ քաղաքացիական անձանց ուղղությամբ, ինչպես նաև ավելի քան 200 պատանդ վերցրել: Իսրայելում, տեղական իշխանությունների տվյալներով, զոհվել է ավելի քան 1400 մարդ, այդ թվում՝ 300 զինվորական, տուժել է ավելի քան 5000-ը:
Ի պատասխան` Իսրայելի պաշտպանության բանակը Գազայի հատվածում սկսել է «Երկաթե թրեր» գործողությունը ՀԱՄԱՍ–ի դեմ։ Մի քանի օրում իսրայելցի զինվորականները վերահսկողության տակ են վերցրել Գազայի սահմանի մոտ գտնվող բոլոր բնակավայրերը։ Նրանք սկսել են ավիացիոն հարվածներ հասցնել տարածքում գտնվող օբյեկտներին, այդ թվում` քաղաքացիական։ Իսրայելը նաև հայտարարել է Գազայի հատվածի ամբողջական շրջափակման մասին. դադարեցվել է ջրի, սննդի, էլեկտրականության, դեղորայքի և վառելիքի մատակարարումը։
Գազայի ուղղությամբ իսրայելական ԶՈւ հարվածների հետևանքով զոհերի թիվը գերազանցել է 10,8 հազարը, տուժել է ավելի քան 26 հազար մարդ։