Նոյեմբերի 9-ին` ժամը 12.00-ին, Հայաստանի կոմպոզիտորների տան դահլիճում (Երևան 0002, Դերենիկ Դեմիրճյան փողոց, շենք 25, 3-րդ հարկ) «Էդուարդ Փաշինյան – 100» խորագրով գիտաժողով կկայանա, որի աշխատանքներին կարելի է հետևել նաև հեռավար։
«Էդուարդ Փաշինյան – 100» գիտաժողով
© Photo
Բացման խոսքով հանդես կգա ՀՀ ԳԱԱ Արվեստի ինստիտուտի տնօրեն, Հայաստանի կոմպոզիտորների միության երաժշտագիտական մասնաճյուղի ղեկավար, ՀՀ արվեստի վաստակավոր գործիչ,արվեստագիտության դոկտոր, պրոֆեսոր Աննա Ասատրյանը։
Ողջույնի խոսք կհղեն.
Հայաստանի կոմպոզիտորների միության նախագահ, ՀՀ արվեստի վաստակավոր գործիչ, պրոֆեսոր Արամ Սաթյանը, Երևանի Կոմիտասի անվան պետական կոնսերվատորիայի գիտական գծով պրոռեկտոր, արվեստագիտության թեկնածու, դոցենտ Ծովինար Մովսիսյանը,
«Հայկական երաժշտական փառատոն» հայկական մշակութային կազմակերպության նախագահ (ԱՄՆ, Փրովիդենս), Հայաստանի կոմպոզիտորների միության արտասահմանյան հանձ¬նա¬խմբի համանախագահ,ՀՀ արվեստի վաստակավոր գործիչ Կոնստանտին Պետրոսյանը,
Զեկուցումներով հանդես կգան.
երաժշտագետ, Երևանի Կոմիտասի անվան պետական կոնսերվատորիայի պրոֆեսոր, Հայաստանի կոմպոզիտորների միության անդամ, ՀՀ արվեստի վաստակավոր գործիչ, արվեստագիտության դոկտոր, պրոֆեսոր Կարինե Ջաղացպանյանը (հուշեր Էդուարդ Փաշինյան մանկավարժի, գիտնականի և անձի մասին)
երաժշտագետ, Երևանի Կոմիտասի անվան պետական կոնսերվատորիայի Երաժշտության տեսության ամբիոնի վարիչ, արվեստագիտության թեկնածու, դոցենտ Ռուզաննա Ստեփանյանը (Էդուարդ Փաշինյանի Ունիվերսալ գերլադային համակարգը և դրա նշանակությունը 20-րդ դարի երաժշտատեսական համակարգերի համատեքստում)
կոմպոզիտոր, Երևանի Կոմիտասի անվան պետական կոնսերվատորիայի պրոֆեսոր, Հայաստանի կոմպոզիտորների միության անդամ, արվեստագիտության թեկնածու, պրոֆեսոր Միխայիլ Կոկժաևը (Էդուարդ Ռուբենի Փաշինյանի Գերլադային համակարգի ալգորիթմերը)
Համաժողովի ընթացքում նաև երաժշտական դադար է նախատեսված։ Հանրապետական և միջազգային մրցույթների դափնեկիր Մարիաննա Հայրապետյանը մանրանվագներ կկատարի Էդուարդ Փաշինյանի «Պարզից բարդ» դաշնամուրային պիեսների ժողովածուից։
Այնուհետև զեկուցումներով հանդես կգան.
երաժշտագետ, Երևանի Կոմիտասի անվան պետական կոնսերվատորիայի Գյումրու մասնաճյուղի Տեսական բաժնի վարիչ, դոցենտ Ռիտա Աղայանը (Էդուարդ Փաշինյանը՝ գիտնական, մանկավարժ),
երաժշտագետ, Երևանի Կոմիտասի անվան պետական կոնսերվատորիայի Գյումրու մասնաճյուղի դասախոս Անահիտ Ղարիբյանը (էդուարդ Փաշինյանի «Երկու պոեմ» դաշնամուրային մանրանվագները),
երաժշտագետ, Երևանի Կոմիտասի անվան պետական կոնսերվատորիայի Երաժշտության տեսության ամբիոնի դասախոս Նառա Բաղդասարյանը (Վաստակաշատ մանկավարժը․ Էդուարդ Փաշինյան)։