Մի քանի օր անց, Թբիլիսիում «Մետաքսի ճանապարհ» համաժողովում նա ներկայացրեց այդ խաչմերուկի նախագիծը, որը համարեց որպես խաղաղության օրակարգի կարևոր մաս և որի առանցքային իմաստը Հայաստանի, Թուրքիայի, Ադրբեջանի, Իրանի միջև կոմունիկացիաների զարգացումն է։
Շատ փորձագետների կարծիքով «Խաղաղության խաչմերուկը» նույն «Զանգեզուրի միջանցքն» է` այլ ձևակերպմամբ։ Միևնույն ժամանակ, Ռուսաստանի փոխվարչապետ Ալեքսանդր Օվերչուկը հայտարարեց, որ Հայաստանը «Հյուսիս-Հարավ» միջանցքի մաս չէ, քանի որ մինչև այժմ վերջնական դիրքորոշում չի ձևավորել Մեղրիով ճանապարհի վերաբերյալ։
Ադրբեջանն ու Իրանը արդեն սկսել են մայրուղու կառուցումը, որն անցնում է Արաքսի հարավային ափով՝ շրջանցելով Հայաստանը։ Փաստացի Հայաստանը դուրս է մնում տարածաշրջանային կոմունիկացիոն նախագծերից։
Թեմայի շուրջ Sputnik Արմենիան զրուցել է «Այլընտրանքային նախագծեր» խմբի անդամ, քաղաքական վերլուծաբան Վահե Հովհաննիսյանի հետ։