ԵՐԵՎԱՆ, 2 նոյեմբերի – Sputnik. Արևմուտքի էմիսարները կաշառքով և սպառնալիքներով փորձում են խանգարել ԲՐԻԿՍ-ի ընդլայնմանը։ Տեղեկությունը ՌԻԱ Նովոստիին տված հարցազրույցում հայտնել է ՌԴ Անվտանգության խորհրդի քարտուղարի տեղակալ Ալեքսանդր Վենեդիկտովը։
Նա ավելացրել է, որ այնպիսի օբյեկտիվ միտումները, ինչպիսին ԲՐԻԿՍ-ի ընդլայնումն է, «անշուշտ դուր չեն գալիս Արևմուտքին»:
«Նրանք ուզում են նոր աշխարհ կառուցել միայն ընտրյալների համար, որտեղ մնացած բոլորի իրավունքներն ու շահերը պարզապես հաշվի չեն առնվի։ Տեսնում ենք նրանց էմիսարների անվերջ ուղևորություններն աշխարհի տարբեր շրջաններ՝ կ՛ամ կաշառքով, կա՛մ սպառնալիքներով պատմության բնական ընթացքը փոխելու հույսով», - ասել է Վենեդիկտովը։
Միևնույն ժամանակ, նրա գնահատմամբ, այսօր արդեն միանգամայն ակնհայտ է, որ միջազգային համագործակցության բազմաբևեռ մոդելը վարկաբեկելու բոլոր փորձերը արդյունք չեն տալիս:
ԲՐԻԿՍ–ը հիմնադրվել է 2006 թվականի հունիսին պետերբուրգյան տնտեսական ֆորումի շրջանակում, որին մասնակցում էին Բրազիլիայի, Ռուսաստանի, Հնդկաստանի և Չինաստանի էկոնոմիկայի նախարարները։ Այսօր ԲՐԻԿՍ անդամ են Բրազիլիան, Ռուսաստանը, Հնդկաստանը, ՉԺՀ–ն, Հարավային Աֆրիկան։
Հարավաֆրիկյան Հանրապետության նախագահ Սիրիլ Ռամաֆոսան Յոհանեսբուրգում ԲՐԻԿՍ-ի 15-րդ գագաթնաժողովի ընթացքում (2023 թ. օգոստոսի 22-24) հայտարարել էր Արգենտինային, Եգիպտոսին, Իրանին, Եթովպիային, ԱՄԷ-ին և Սաուդյան Արաբիային պաշտոնապես ԲՐԻԿՍ-ի կազմ հրավիրելու մասին։ Նա հայտնել է, որ ԲՐԻԿՍ-ին միացող նոր երկրների լիարժեք անդամակցությունը կսկսվի 2024 թվականի հունվարի 1-ից: