Ալբերտ Բազեյանը կմնա կալանքի տակ

ԵՐԵՎԱՆ, 2 նոյեմբերի - Sputnik. ՀՀ վերաքննիչ քրեական դատարանի որոշման համաձայն՝ Երևանի նախկին քաղաքապետ Ալբերտ Բազեյանը կշարունակի մնալ կալանքի տակ։

Տեղեկությունը Sputnik Արմենիային հայտնեց Բազեյանի պաշտպան Գեորգի Մելիքյանը։

Դատավոր Ռուբիկ Մխիթարյանը մերժել է Ալբերտ Բազեյանի խափանման միջոցը փոխելու՝ պաշտպանների միջնորդությունը։

Հիշեցնենք՝ սեպտեմբերի 26-ին Ալբերտ Բազեյանը կալանավորվեց 2 ամսով։

Ավելի վաղ ԱԱԾ-ն հայտնել էր, որ սեպտեմբերի 23-ին Բազեյանը և «Խաչակիրներ» ռազմահայրենասիրական կազմակերպության ևս 7 անդամներ ձերբակալվել են իշխանությունը զավթելու փորձի գործով: