ԵՐԵՎԱՆ, 1 նոյեմբերի – Sputnik. «Քաղաքացիական պայմանագիր» կուսակցությունն այսօր վարչության նիստ է անցկացրել, որը վարել է վարչության նախագահ, ՀՀ վարչապետ Նիկոլ Փաշինյանը: Տեղեկությունը հրապարակվել է ՔՊ–ի ֆեյսբուքյան էջում։
«Քննարկվել են Ալավերդի և Վարդենիս համայնքների ավագանու «Քաղաքացիական պայմանագիր» խմբակցությունների աշխատանքների հետ կապված հարցեր»,– նշված է հաղորդագրության մեջ։
Հավելենք, որ սա վերջին մեկ շաբաթվա ընթացքում արդեն ՔՊ վարչության չորրորդ նիստն է։
Փաշինյանի գլխավորությամբ նիստեր էին անցկացվել նաև երեկ, հոկտեմբերի 30–ին ու 27-ին։ Օրինակ, երեկ` հոկտեմբերի 31-ին անցկացված նիստում քննարկվել էին Վայոց Ձորի մարզում կուսակցության տարածքային կազմակերպությունների աշխատանքի հետ կապված հարցեր։