ԵՐԵՎԱՆ, 31 հոկտեմբերի – Sputnik. Փարիզի Շատլե թատրոնում կայացել է «Ոսկե գնդակի» մրցանակաբաշխությունը, ութերորդ անգամ աշխարհի լավագույն ֆուտբոլիստ է հռչակվել ու «Ոսկե գնդակի» արժանացել «Ինտեր Մայամիի» խաղացող, արգենտինացի Լիոնել Մեսսին։
Երկրորդ տեղը զբաղեցրել է «Մանչեսթեր Սիթիի» նորվեգացի հարձակվող Էրլինգ Հոլանդը, որը անգլիական թիմի կազմում 2022/23 մրցաշրջանում դարձավ չեմպիոնների լիգայի հաղթող, Անգլիայի չեմպիոն ու գավաթակիր։
«Մանչեսթեր Սիթիի» նորվեգացի հարձակվող Էրլինգ Հոլանդը «Ոսկե գնդակի» մրցանակաբաշխության ժամանակ
© AFP 2024 / FRANCK FIFE
Լավագույն եռյակը եզրափակել է աշխարհի փոխչեմպիոն՝ Ֆրանսիայի հավաքականի հարձակվող Կիլիան Մբապեն։
Լիոնել Մեսսին ու Կիլիան Մբապեն
© AFP 2024 / FRANCK FIFE
Հիշեցնենք, որ Լիոնել Մեսսիի գլխավորությամբ Արգենտինայի հավաքականը 2022 թվականին նվաճեց աշխարհի չեմպիոնի կոչումը։