ԵՐԵՎԱՆ, 29 հոկտեմբերի – Sputnik. ՌԴ սառեցված միջոցների գողությանը համաչափ պատասխան կտրվի։ Այս մասին, ՌԻԱ Նովոստիի փոխանցմամբ, հայտարարել է Պետդումայի խոսնակ Վյաչեսլավ Վոլոդինը։
«Եվրահանձնաժողովի նախագահ Ուրսուլա ֆոն դեր Լյայենի գլխավորությամբ մի շարք եվրոպացի քաղաքական գործիչներ, որոնք ձգտում են պահպանել իրենց տեղերը և իրենց պետությունների ֆինանսական վատ վիճակից ելնելով, որին իրենք են հանգեցրել, կրկին սկսել են խոսել մեր երկրի սառեցված միջոցների գողության մասին, որպեսզի դրանց հաշվին շարունակեն Կիևի ռազմականացումը։ Նման որոշումը ՌԴ–ից սիմետրիկ պատասխան կպահանջի», – գրել է նա իր Telegram–ալիքում։
Վոլոդինը նշել է, որ այդ դեպքում ոչ բարեկամական երկրներին պատկանող շատ ավելի մեծ ակտիվներ կառգրավվեն, քան Եվրոպայի տարածքում սառեցված ՌԴ միջոցները։
«Վերջին մի քանի տարիների ընթացքում իրավիճակը Եվրոպայում խիստ վատթարացել է... Որպես արդյունք` մինչև վերջին ուկրաինացին պատերազմի օգտին հանդես եկող քաղաքական գործիչներին փոխարինելու են գալիս նրանք, որոնց առաջնահերթ մտահոգում են ներքին խնդիրները», – հավելել է Վոլոդինը։
Պետդումայի խոսնակը նշել է, որ ԵՄ–ն 2022 թվականից ի վեր ավելի քան 85 մլրդ եվրո է ծախսել Ուկրաինայի աջակցման համար, և դա թանկ է նստել հասարակ եվրոպացիների վրա։