ԵՐԵՎԱՆ, 25 հոկտեմբերի – Sputnik. Սևանա լճից դուրս է բերվել 146 հատ խեցգետնորսիչ։ Տեղեկությունը հայտնում է ՀՀ շրջակա միջավայրի նախարարությունը։
«Հոկտեմբերի 24-ին «Սևան» ազգային պարկի հատուկ նշանակության ջոկատի կողմից իրականացված խիստ վերահսկողության միջոցառումների արդյունքում Նորաշեն բնակավայրի հարակից ափամերձ հատվածներից լճից դուրս է բերվել և առգրավվել 146 ապօրինի խեցգետնորսիչ, 82 կենդանի խեցգետին վերադարձվել է լիճ»,-նշված է հաղորդագրության մեջ։
Սևանա լճում հայտնաբերված խեցգետնորսիչները
Հիշեցնենք` կառավարության որոշմամբ Սևանա լճում թույլատրվում է միայն սիգի արդյունագործական որս` սահմանված ժամանակաշրջանում և միայն կնքված պայմանագրով թույլատրված չափաքանակներով, իսկ խեցգետնի որսի թույլատրելի չափաքանակներ սահմանված չեն։
Լճից դուրս բերված խեցգետնորսիչներն արգելված որսագործիքների ցանկում են։ Միջոցառումները շարունակվում են։