ԵՐԵՎԱՆ, 23 հոկտեմբերի – Sputnik. ՀՀ վարչապետ Նիկոլ Փաշինյանը ելույթ կունենա Թբիլիսիում կայանալիք «Մետաքսի ճանապարհ» միջազգային համաժողովում: Ինչպես նշված է համաժողովի կայքում, նրա ելույթը նախատեսված է բացման արարողության ընթացքում:
Ըստ ժամանակացույցի՝ Հայաստանի վարչապետից առաջ ելույթ կունենա Վրաստանի կառավարության ղեկավար Իրակլի Ղարիբաշվիլին, իսկ հետո՝ Ադրբեջանի վարչապետ Ալի Ասադովը:
Թբիլիսիի «Մետաքսի ճանապարհ» համաժողովը տեղի կունենա հոկտեմբերի 26-27-ը, մինչև 2 000 հյուրեր է սպասվում շուրջ 60 երկրից: