«3+3» ձևաչափով հաջորդ հանդիպումը կկայանա Թուրքիայում 2024 թվականի առաջին կեսին. Լավրով

Սերգեյ Լավրով
Լավրովը խոսել է Վրաստանի ներկայացուցիչների բացակայության մասին և նշել, որ Թբիլիսիի համար դուռը միշտ բաց է։
Sputnik
ԵՐԵՎԱՆ 23 հոկտեմբերի – Sputnik. Արտգործնախարարների «3+3» ձևաչափով հաջորդ հանդիպումը կկայանա Թուրքիայում 2024 թվականի առաջին կեսին։ Այս մասին Թեհրանում կայացած «3+3» ձևաչափով հանդիպմանը հաջորդած ճեպազրույցում ասել է ՌԴ ԱԳ նախարար Սերգեյ Լավրովը։
«Այս ամենը կհամակարգեն մեր թուրք գործընկերները, որոնք կհյուրընկալեն նախարարների երկրորդ հանդիպումը, որը նախատեսված է մոտավորապես հաջորդ տարվա առաջին կիսամյակին», - ասել է Լավրովը լրագրողներին։
Այսօր Թեհրանում «3+3» ձևաչափով (առանց Վրաստանի) հանդիպում է կայացել։ Ձևաչափը նախատեսում էր Ռուսաստանի, Իրանի, Հայաստանի, Ադրբեջանի, Թուրքիայի և Վրաստանի մասնակցությունը, սակայն Թբիլիսին հայտարարեց, որ չի մասնակցի նախաձեռնությանը։
Լավրովն անդրադարձել է Վրաստանի բացակայությանը։
«Բոլորը համակարծիք էին, որ Վրաստանի համար մեր «3+3» ձևաչափի դուռը բաց է»,- ասել է նա։
Թեհրանում «3+3» բանակցությունների նպատակը տարածաշրջանային անվտանգությունն է. Իրանի դեսպան
Լավրովը հավելել է, որ Մոսկվան հասկանում է, թե ինչու է վրացական ղեկավարությունն առայժմ ձեռնպահ մնում «3+3» ձևաչափին միանալուց։
«Մենք գնահատում ենք, որ վրացական ղեկավարությունը ելնում է ապագայում դա անելու հնարավորությունից։ Ինչպես հասկանում ենք: Բոլոր հանգամանքներում Թբիլիսիի ներկայիս իշխանությունները, ինչպես իրենք արդեն բազմիցս ապացուցել են, նախևառաջ իրենց բոլոր գործողություններում ելնում են արմատական ազգային շահերից, և դա հիմք է տալիս ենթադրելու, որ «3+3» լիարժեք ձևաչափը կարող է գործել ոչ հեռու ապագայում», - նշել է նախարարը։
Հիշեցնենք` առաջին հանդիպումը (կրկին առանց Վրաստանի) կայացել է 2021 թվականի դեկտեմբերին Մոսկվայում, բայց ոչ թե նախարարների, այլ փոխարտգործնախարարների մակարդակով։
Թեհրանի հանդիպումը Ռուսաստանի, Հայաստանի և Ադրբեջանի արտգործնախարարների համար առաջին հնարավորությունն էր՝ քննարկելու վերջին զարգացումները։
ՌԴ–ն պատրաստ է օգնել ադրբեջանա-հայկական սահմանի դելիմիտացիայի հարցում. Լավրով