ԵՐԵՎԱՆ, 19 հոկտեմբերի – Sputnik. Հոկտեմբերի 20–ին ժամը 22։00–ից Երևանի Մյասնիկյան պողոտայի մի հատվածը փակ կլինի։ Տեղեկությունը հայտնում է Երևանի քաղաքապետարանը։
«Մյասնիկյան պողոտայում խողովակաշարի փոխարինման աշխատանքներով պայմանավորված՝ Ավանից դեպի Կենտրոն վարչական շրջան երթևեկող տրանսպորտային միջոցների համար, «կանչովի հետիոտնային» լուսացույցից մոտ 100 մ. վերև փակ է լինելու առաջին երթևեկելի գոտին»,–հայտնում է քաղաքապետարանը։
Պատճառվող ժամանակավոր անհարմարությունների համար Երևանի քաղաքապետարանը հայցում է վարորդների ներողամտությունը: