ԵՐԵՎԱՆ, 18 հոկտեմբերի–Sputnik. Մոսկվայի բարձրաստիճան աղբյուրը ՌԻԱ Նովոստիին հայտնել է, որ Եվրախորհրդարանում Հայաստանի վարչապետ Նիկոլ Փաշինյանի վերջին ելույթը գնահատում է անպատասխանատու և սադրիչ։ Պաշտոնյան այս առումով հատկապես մատնանշել է ելույթի այն մասը, որ վերաբերում է Ռուսաստանին և ռուս-հայկական հարաբերություններին:
«Տեսնում ենք, թե ինչպես են Հայաստանը փորձում վերածել 3–րդ Ուկրաինայի (եթե Մոլդովան համարենք թիվ 2 Ուկրաինա), իսկ Փաշինյանը յոթմղոնանոց քայլերով գնում է Վլադիմիր Զելենսկու ճանապարհով»,– հավելել է նա:
Հիշեցնենք, որ հոկտեմբերի 17-ին վարչապետ Նիկոլ Փաշինյանը ելույթ ունեցավ Եվրախորհրդարանի լիագումար նիստում։ Նա Լեռնային Ղարաբաղի հայաթափման համար մեղադրեց ՌԴ խաղաղապահ զորախմբին ու ՄԱԿ–ին։ Նա նաև հայտարարեց, թե այն ժամանակ, երբ հարյուր հազարավոր հայեր ԼՂ–ից փախչում էին ՀՀ, անվտանգության ոլորտի դաշնակիցները ՀՀ–ին ոչ միայն չէին օգնում, այլև այդ օրերին իշխանափոխություն անելու և ժողովրդավարական իշխանությունը տապալելու հրապարակային կոչեր էին անում։