ԵՐԵՎԱՆ, 18 հոկտեմբերի – Sputnik. Այսօր խոշոր ավտովթար է տեղի ունեցել ՀՀ Վայոց Ձորի մարզում, որի հետևանքով մեկ մարդ մահացել է, 3-ը` վիրավորվել, որոնցից 2–ը երեխաներ են։ Տեղեկությունը հայտնում է shamshyan.com–ը։
«Այսօր` ժամը 08:00-ի սահմաններում Երևան-Երասխ-Մեղրի ավտոճանապարհի 135 կմ հատվածում բախվել են Mercedes Vito և Volkswagen Golf մակնիշի ավտոմեքենաները»,–գրում է կայքը:
3 վիրավորները տարբեր աստիճանի մարմնական վնասվածքներով տեղափոխվել են «Եղեգնաձոր» բժշկական կենտրոն:
Վթարի փաստով քննչական վարչությունում նախաձեռնվել է քրեական վարույթ: Քննիչի հանձնարարականով ավտոմեքենաները տեղափոխվել են ոստիկանության Եղեգնաձորի բաժնի պահպանվող հատուկ տարածք: Ոստիկանությունն ու քննչական վարչությունը պարզում են վարորդների, մահացածի և վիրավորների ինքնությունը: