Եվրասիական տնտեսական միության երկրները կընդլայնեն համագործակցությունը Հարավարևելյան Ասիայի պետությունների ասոցիացիայի (ASEAN) հետ։ Այս մասին հայտարարել Է Եվրասիական տնտեսական հանձնաժողովի ինտեգրման և մակրոտնտեսության հարցերով նախարար Սերգեյ Գլազևը՝ «Ռուսաստանը և ASEAN–ն Ասիական և խաղաղօվկանոսյան տնտեսական խորհրդում. փոխգործակցության դինամիկան, տարածաշրջանային գործընթացները և գլոբալ համատեքստը» համաժողովի բացման ժամանակ:
Սերգեյ Գլազևը նշել է, որ ԵԱՏՄ երկրներին և ASEAN–ին բնորոշ է տնտեսական փոխկապվածությունն ու փոխլրացումը, որոնք լավ հիմք են հանդիսանում երկարաժամկետ հեռանկարում առևտրատնտեսական համագործակցության զարգացման համար: Ընդ որում, ԵԱՏՄ–ի և ASEAN–ի միջև ներդրումային փոխգործակցության և առևտրի մասշտաբները դեռևս հստակեցված չեն։ Անհրաժեշտ է բարելավել գործընկերության ենթակառուցվածքները, ավելացնել արտադրական և գիտատեխնիկական կոոպերացիան։ Նման ջանքեր ԵՏՀ–ն արդեն ձեռնարկում է։
«Մեր կողմից մենք պատրաստ ենք առավելագույնս ստեղծել բարենպաստ պայմաններ` առևտրի ավելացման համար, վերացնել արգելքները, ընդլայնել առևտրի արտոնյալ ռեժիմները»,– ասել է Սերգեյ Գլազևը:
Համաժողովի բացման արարողությանը մասնակցել են նաև ՌԴ ԱԳ նախարարի տեղակալ Անդրեյ Ռուդենկոն, Ռուսաստան–ASEAN գործարար խորհրդի նախագահ Իվան Պոլյակովը, փորձագետներ ԵԱՏՄ և ASEAN երկրներից: