ԵՐԵՎԱՆ, 12 հոկտեմբերի – Sputnik. Հայաստանի Հանրապետությունը հանցավորության ցածր մակարդակով աշխարհում 9-րդ տեղում է։ Տեղեկությունը հայտնում է ՀՀ ՆԳՆ մամուլի ծառայությունը։
«Worldpopulationreview.com հանրահայտ կազմակերպության՝ աշխարհում հանցավորության մակարդակի վերաբերյալ վերլուծության համաձայն՝ Հայաստանի Հանրապետությունը հանցավորության ցածր մակարդակ ունեցող 137 երկրների շարքում զբաղեցնում է 9-րդ հորիզոնականը, իսկ տարածաշրջանային երկրների շարքում՝ 1-ին հորիզոնականը»,– նշված է հաղորդագրության մեջ։
Նշենք, որ առաջատարների հնգյակում են Կատարը, ԱՄԷ-ն, Թայվանը, Օմանը և Նոր Զելանդիան։ Հոնկգոնգից, Ճապոնիայից, Սլովենիայից հետո հանցավորություն ցածր մակարդակ ունեցող երկիրը Հայաստանի Հանրապետությունն է։
Տասնյակը եզրափակում է Վրաստանը։