ԵՐԵՎԱՆ, 9 հոկտեմբերի – Sputnik. Համբուրգի միջազգային օդանավակայանի աշխատանքը լիովին դադարեցվել է Թեհրանից ժամանող ինքնաթիռում տեղադրված ռումբի մասին ահազանգի պատճառով։ Այս մասին հայտնում է ՏԱՍՍ–ը` հղում անելով NDR հեռուստառադիոընկերությանը։
ԶԼՄ–ի տվյալներով` ինքնաթիռը վայրէջք է կատարել օդանավակայանում։ Այժմ այն խուզարկում են իրավապահ մարմինների աշխատակիցները։ Օդանավում գտնվող 198 ուղևորներն ու անձնակազմի 16 անդամները լքել են ինքնաթիռը։ Նրանց ուղեբեռն այժմ ստուգվում է։ Չվերթեր չեն իրականացվում։
Ինչպես հայտնում է NDR–ը, դաշնային ոստիկանությունը լուրջ է գնահատում էլեկտրոնային փոստով ստացված սպառնալիքը։