ԵՐԵՎԱՆ, 6 հոկտեմբերի – Sputnik. Հայաստանի Հանրապետության պաշտպանության նախարարությունը Ռուսաստանի Դաշնության ՊՆ պատվիրակության այցի վերաբերյալ որևէ տեղեկություն չունի։ Այս մասին Sputnik Արմենիայի հետ զրույցում հայտնեց ՀՀ ՊՆ մամուլի խոսնակ Արամ Թորոսյանը։
Նշենք, որ ԶԼՄ–ներում հաղորդագրություն տարածվեց, համաձայն որի` ՌԴ ՊՆ պատվիրակությունն այսօր կայցելի Երևան։
«ՀՀ ՊՆ-ն ՌԴ ՊՆ պատվիրակության այցի վերաբերյալ, ինչի մասին քիչ առաջ մամուլը գրեց, որևէ տեղեկություն չունի, և նման հանդիպում ՀՀ ՊՆ-ում պլանավորված չէ»,– հայտնեց Թորոսյանը։
Հիշեցնենք` լրատվամիջոցները նաև գրում էին, որ ՌԴ ՊՆ պատվիրակությունը հայկական կողմի հետ հանդիպմանը քննարկելու է Լեռնային Ղարաբաղից ռուսական խաղաղապահ զորախմբի հեռանալու կոնկրետ ժամկետները։