Հինգշաբթի օրը պետք է բանակցեին Նիկոլ Փաշինյանն ու Իլհամ Ալիեւը՝ Ֆրանսիայի նախագահի, Գերմանիայի կանցլերի եւ Եվրոպական խորհրդի ղեկավարի ներկայությամբ։ Բայց չստացվեց՝ Ալիեւը հրաժարվեց գալ Իսպանիա։ Ինչո′ւ։
Շրջանառվող վարկածը սա է՝ Բաքուն առաջարկել է, որ հանդիպմանը մասնակցի նաեւ թուրքական կողմը, սակայն Փարիզն առարկել է։
Սա ինչ-որ արտառոց, անսպասելի բան չէ։ Եթե հիշում եք՝ դեռ տարիներ առաջ, երբ ակտիվորեն գործում էր Մինսկի խումբը, Ադրբեջանն ամեն ինչ անում էր, որպեսզի Թուրքիան ընդգրկվի այդ խմբի համանախագահների կազմում, բայց ապարդյուն։ Սակայն այն ժամանակ Բաքուն դեռ այնքան համարձակություն չուներ, որ հրաժարվեր մասնակցել որևէ հանդիպման միայն այն պատճառով, որ Ֆրանսիան մասնակցում է, իսկ Թուրքիային չեն հրավիրում։
Հիմա արդեն համարձակություն ունի, իսկ բանակցելու ցանկություն այնքան էլ չունի։ Պատճառն ակնհայտ է՝ ինչի՞ս է պետք փոխադարձ համաձայնության հասնելու բարդ գործընթացը, եթե ամեն ինչ կարող եմ շատ արագ ուժով լուծել։
Հեղինակ՝ Արմեն Դուլյան