ՀՀ–ի ու Նիդեռլանդների ԱԳՆ ներկայացուցիչները քաղաքական խորհրդակցություններ են անցկացրել

ԵՐԵՎԱՆ, 3 հոկտեմբերի - Sputnik. ՀՀ ԱԳ փոխնախարար Պարույր Հովհաննիսյանը Նիդեռլանդների Թագավորության պատվիրակությանն է ներկայացրել Ադրբեջանի ագրեսիվ քաղաքականության և Լեռնային Ղարաբաղի էթնիկ զտման հետևանքով ստեղծված իրավիճակի մանրամասները, ինչպես նաև իրադրության միջազգային քաղաքական և հումանիտար բաղադրիչները, հայտնում է ՀՀ ԱԳՆ մամուլի ծառայությունը։

Այսօր Երևանում տեղի են ունեցել երկու երկրների արտաքին գործերի նախարարությունների միջև հերթական քաղաքական խորհրդակցությունները։

Դրանք վարել են Հայաստանի ԱԳ նախարարի տեղակալ Պարույր Հովհաննիսյանը և Նիդեռլանդների ԱԳ նախարարության քաղաքական տնօրենի տեղակալ Էրիկա Սխաուտենը։