ԵՐԵՎԱՆ, 28 սեպտեմբերի – Sputnik. «Ռոսիա սեգոդնյա» մեդիախումբը ՍՍ-ի «Գալիցիա» դիվիզիայի նացիստի սկանդալային մեծարումից հետո գործարկում է #отменинацистскуюканаду հեշթեգը։
«Իր գործողություններով, ակնհայտ սևը սպիտակեցնելու փորձով, Կանադան «հավասար» նշան դրեց իր անվան և «նացիզմ» բառի միջև։ Սովորական նացիզմը հենց այսպիսին է», – հայտարարել է մեդիախմբի մամուլի ծառայությունը։
Այս պահից բոլոր այն ռեսուրսները, որոնք մտնում են «Ռոսիա սեգոդնյա» մեդիախմբի մեջ, Կանադայի խորհրդարանում տեղի ունեցած միջադեպի և դրա հետ առնչություն ունեցող քաղաքական գործիչների հայտարարությունների հետ կապված նյութերը նշելու են #отменинацистскуюканаду հեշթեգով։
Սեպտեմբերի 22-ին Համայնքների պալատ (Կանադայի խորհրդարանի հիմնական պալատ) էր հրավիրվել Յարոսլավ Խունկան (Գունկո), որը պատերազմի տարիներին համալրել էր «Վաֆֆեն» ՍՍ «Գալիցիա» դիվիզիայի շարքերը։ Խոսնակ Էնթոնի Ռոտան ներկայացրել էր հյուրին, որն այսօր արդեն 98 տարեկան է, որպես «Համաշխարհային երկրորդ պատերազմի ուկրաինա–կանադացի վետերան, ով ռուսների դեմ կռվել է Ուկրաինայի անկախության համար»։ Ռոտան հավելել էր, որ նա նաև «Կանադայի հերոս է»։
«Մենք երախտապարտ ենք նրան ծառայության համար։ Շնորհակալություն», – ասել էր խոսնակը։ Դահլիճում ներկա գտնվողները, այդ թվում վարչապետ Ջասթին Թրյուդոն, Ուկրաինայի նախագահ Վլադիմիր Զելենսկին տիկնոջ հետ ոտքի են կանգնել և ծափահարություններով ողջունել Գունկոյին։
Երբ Կանադայի ղեկավարությունը հասկացել է, որ հյուրը նացիստ էր, Էնթոնի Ռոտան հրապարակային ներողություն է խնդրել և հրաժարական տվել։ Ջասթին Թրյուդոն նույնպես ներողություն է խնդրել, սակայն իրենից հանել է պատասխանատվությունը` բարդելով այն նախկին խոսնակի վրա։
ՌԴ ԱԳՆ–ում նշել են, որ տեղի ունեցածը «տրագիֆարս» է, որը համաշխարհային ողբերգություն կդառնա։