ԵՐԵՎԱՆ, 21 սեպտեմբերի – Sputnik. Երեկ զոհված 5 խաղաղապահների թվում է եղել Լեռնային Ղարաբաղում ռուսական խաղաղապահ զորակազմի հրամանատարի տեղակալ, առաջին կարգի կապիտան 52-ամյա Իվան Կովգանը։ Տեղեկությունը հայտնում է «Սևերպոստ» գործակալությունը:
Սեպտեմբերի 20-ին ՌԴ ՊՆ–ն հայտնեց, որ Լեռնային Ղարաբաղի Ճանկաթաղ բնակավայրի շրջանում ՌԴ խաղաղապահներին տեղափոխող մեքենա է գնդակոծության ենթարկվել, ինչի հետևանքով ավտոմեքենայում գտնվող ռուս զինծառայողները մահացել են։
Նրանց թվում հրամանատարի երկու տեղակալ է եղել։ Ընթանում է հետաքննություն, Ադրբեջանի ՊՆ-ն դեռ երեկ ափսոսանք է հայտնել կատարվածի կապակցությամբ։