ԵՐԵՎԱՆ, 18 սեպտեմբերի – Sputnik. Երևանի ավագանու ընտրությունների վերահաշվարկի դիմումները մասնակից ուժերի վստահված անձանցից ՀՀ կենտրոնական ընտրական հանձնաժողովը կընդունի այսօր ժամը 12։00–18։00–ը և վաղը ժամը 9։00–11։00–ն ընկած ժամանակահատվածում։ Այս մասին հայտարարեց ՀՀ ԿԸՀ նախագահ Վահագն Հովակիմյանը` ներկայացնելով ընտրությունների արդյունքների նախնական արձանագրությունները։
«ԿԸՀ–ում վիճակահանությամբ` պատահականության սկզբունքով, կընտրվեն այն ընտրատեղամասերը, որտեղ կանցկացվի վերահաշվարկ։ Նաև ԿԸՀ–ն կարող է իր նախաձեռնությամբ որոշել` ուրիշոր ընտրատեղամասերում անցկացնել վերահաշվարկ»,– նշեց Հովկիմյանը։
Նա ներկայացրեց նաև ընտրատեղամասերից ԿԸՀ ստացված արձանագրությունների նախնական տվյալները, ըստ որոնց` Երևանի ավագանու ընտրություններին հիմնական ցուցակներում ընտրողների ընդհանուր թիվը եղել է 824 250, ընտրության օրը ընտրատեղամասերում կազմված լրացուցիչ ցուցակներով ընտրողների թիվը` 66, ընտրությունների ընդհանուր մասնակիցների թիվը` 824 316, քվեարկության մասնակիցների ընդհանուր թիվը` 234 436 (կամ 28.44 տոկոս)։
Հովակիմյանը հատուկ նշեց, որ այս տվյալները սեպտեմբերի 17–ի ժամը 21։00–ի տվյալների ճշտգրտված թվերն են, քանի որ ըստ արձանագրությունների են կազմվել։
Ընտրություններին մասնակից ուժերի միջև ձայները բաշխվել են հետևյալ կերպ`
1.
«Հանրային ձայն» կուսակցություն– 22․431 (9.68%)2.
«Քաղաքացիական պայմանագիր» կուսակցություն– 75․463 (32.57%)3.
«Արդար Հայաստան» կուսակցություն– 2595 (1.12%)4.
«Հաղթանակ» կուսակցություն– 3959 (1.71%)5.
«Ուժը հայրենյաց» կուսակցություն– 1706 (0.74%)6.
«Հայաստանի եվրոպական կուսակցություն– 2572 (1.11%)7.
«Ազգային առաջընթաց» կուսակցություն– 43․765 (18․89%)8.
«Հանուն սոցիալական արդարության» կուսակցություն–780 (0.34%)9.
«Հանրապետություն» կուսակցություն– 26․236 (11.32%)10.
«Միացյալ Հայաստան» կուսակցություն–1282 (0.55%)11.
«Լուսավոր Հայաստան» կուսակցություն– 4174 (1.8%)12.
«Ժողովրդավարական Համախմբում» կուսակցություն– 2348 (1.01%)13.
«Ապրելու երկիր» կուսակցություն– 8425 (3.64%)14.
«Մայր Հայաստան» դաշինք– 35․739 (15.43%)։Հիշեցնենք` Երևանում սեպտեմբերի 17–ին ավագանու ընտրություններ էին, որին մասնակցեց 13 կուսակցություն և 1 դաշինք։ Երևանի 12 վարչական շրջաններում գործել են 475 ընտրական տեղամասեր։