ԵՐԵՎԱՆ, 16 սեպտեմբերի-Sputnik. ՀՀ վարչապետ Նիկոլ Փաշինյանը հակված է առաջիկայում 5-6 նախարարի ազատել պաշտոնից, այդ թվում`աշխատանքի և սոցիալական հարցերի նախարար Նարեկ Մկրտչյանին, գրում է «Հրապարակ» թերթը։
Պատճառը, ըստ այդ լուրերի, ոլորտում աղմկոտ բացահայտումներն են։
«Չնայած մեր աղբյուրներն ասում են, որ Մկրտչյանի ոտքի տակ քանդողներից մեկը ՔՊ-ական պատգամավոր Հերիքնազ Տիգրանյանն է, ով հույս ունի, որ ինքը կփոխարինի Մկրտչյանին, սակայն կառավարությունում խոսում են, որ Փաշինյանը հակված է այլ անձի` իր «լյուբիմչիկներից» մեկին` Գևորգ Պապոյանին նշանակել: Պապոյանը, հիշեցնենք, ՔՊ-ի փոխնախագահներից է»,–գրում է թերթը։
Հիշեցնենք` Գևորգ Պապոյանն այժմ ՔՊ-ի փոխնախագահներից է։
Հիշեցնենք` ավելի վաղ մամուլը գրել էր, որ մի քանի նախարար հրաժեշտ կտա պաշտոնին։ Նշվում էր ՏԿԵ նախարար Գնել Սանոսյանի անունը։ Աշնանը կառավարությունից հեռացող նախարարներից մեկն էլ, ըստ հրապարակումների, ՀՀ արդարադատության նախարար Գրիգոր Մինասյանը կլինի։