ԵՐԵՎԱՆ, 14 սեպտեմբերի – Sputnik. Արմավիրի մարզի Նորապատ գյուղում ավտոմեքենա է այրվել։ Տեղեկությունը հայտնում է ՆԳՆ փրկարար ծառայությունը։
Դեպքի մասին Ճգնաժամային կառավարման ազգային կենտրոն ահազանգը ստացվել է այսօր` ժամը 19:52-ին։Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ հրդեհը բռնկվել է 5-րդ փողոցում գտնվող ավտոտեխսպասարկման կետերից մեկում (մոտ 50 քմ) կայանած ավտոմեքենայում:
Հրդեհը մեկուսացվել է ժամը 20:14-ին, մարվել՝ 20:38-ին: Այրվել են «Mercedes-Benz» մակնիշի ավտոմեքենան և մոտ 8 քմ տարածքում կենցաղային իրեր։