ԵՐԵՎԱՆ, 12 սեպտեմբերի – Sputnik. Դանիայի իշխանությունները մերժել են Ռուսաստանի առողջապահության փոխնախարար Օլեգ Սալագայի մուտքը երկիր։ Նա պետք է մասնակցեր Առողջապահության համաշխարհային կազմակերպության (ԱՀԿ) տարածաշրջանային խորհրդակցությանը, որը մեկնարկել է այսօր Կոպենհագենում։ Տեղեկությունը հայտնում են ռուսական ԶԼՄ–ները` հղում անելով Կոպենհագենում ՌԴ դեսպանատանը։
««Կաստրուպ» օդանավակայանում նրան թույլ չեն տվել մուտք գործել երկիր», – հայտնել է դեսպանատունը` նշելով, որ Դանիայի իշխանություններն անամոթաբար խախտել են Կոպենհագենում անցկացվող միջոցառմանը ԱՀԿ անդամ երկրների պաշտոնական ներկայացուցիչների անարգել մուտքն ապահովելու իրենց պարտավորությունները։
Դեսպանատունը խոստացել է հասնել նրան, որ Դանիայի իշխանությունը պարզաբանում ներկայացնի և ներողություն հայտնի դեպքի առնչությամբ։