ԵՐԵՎԱՆ, 11 սեպտեմբերի – Sputnik. ՀՀ 8-րդ գումարման Ազգային ժողովընոր պատգամավոր ունի։ ԱԺ 6-րդ նստաշրջանի առաջին նիստում ՀՅԴ Շիրակի մարզային կոմիտեի ներկայացուցիչ Մհեր Մելքոնյանը պաշտոնապես երդվեց ու ստացավ պատգամավորական մանդատը՝ միանալով «Հայաստան» խմբակցությանը։
«Հանուն համազգային նպատակների իրականացման և հայրենիքի հզորացման ու բարգավաճման` երդվում եմ բարեխղճորեն կատարել ժողովրդի առաջ ունեցած պարտավորություններս, պահպանել ՀՀ Սահմանադրությունն ու օրենքները, նպաստել ՀՀ ինքնիշխանության և շահերի պահպանմանը, անել ամեն ինչ քաղաքացիական համերաշխության, ազգային ու համամարդկային արժեքների պահպանման համար»,– նշված է երդման տեքստում։
Հիշեցնենք, որ «Հայաստան» խմբակցության պատգամավոր Անդրանիկ Թևանյանն մանդատը վայր է դրել Երևանի ավագանու ընտրություններին մասնակցելու համար։
Ըստ «Հայաստան» դաշինքի նախընտրական ցուցակի` հաջորդ համարը Մհեր Մելքոնյանն էր։