Հավաքականի ներկա կազմը ուժեղ է, բայց թուրքերի հետ պետք է խաղալ կրքով և խելքով. Գրիգորյան

Եվրո-2024-ին ընտրական փուլում Թուրքիայի հավաքականի հետ խաղում հաջողության հասնելու համար մեր հավաքականի ֆուտբոլիստներին հարկավոր է խաղալ կրքով և խելքով, և միայն այդ դեպքում կարելի է ակնկալել հաջողություն։ Այսպես է մտածում հայտնի մարզիչ Ալեքսանդր Գրիգորյանը։

Կրասնոդարի «Կուբանի» գլխավոր մարզիչ Ալեքսանդր Գրիգորյանը լավ ծանոթ է հայկական ֆուտբոլին, ընդ որում` և՛ ակումբային, և՛ ազգային հավաքականների մակարդակով։ 2019-21 թվականներին Գրիգորյանը մարզել է «Ուրարտուն» և «Ալաշկերտը»։ Եղավ մի պահ, որ ազգային հավաքականի գլխավոր մարզչի պաշտոնում նրա նշանակումը կարծես թե որոշված էր, բայց հետո անհասկանալի պայմաններում դա տեղի չունեցավ։ Գրիգորյանը փորձառու մասնագետ է, և Թուրքիայի հավաքականի հետ ծանրագույն խաղից առաջ Sputnik Արմենիան զրուցել է նրա հետ։

-Պետք է խոստովանեմ, որ ազգային հավաքականի ներկայիս մարզիչի աշխատանքն արժանի է դրական գնահատականի։ Նա որակյալ խաղի պատկեր է ստեղծել, թիմն ունի խաղային իր ոճը։ Ներկայիս կազմը պոտենցիալ ամենաուժեղն է հայկական ֆուտբոլի նորագույն պատմության մեջ։

- Հաջողության համար մեր ֆուտբոլիստները պետք է հնարավորինս հեռու մնան հոգեբանական ճնշումից։ Պատմական և քաղաքական գործոնները ոչ թե խրախուսում են, այլ լրիվ հակառակը` նյարդայնացնում են խաղացողներին։ Պետք է կենտրոնանալ սպորտային հաղթանակի վրա, և այլ բաների մասին չմտածել։ Հայ ֆուտբոլիստները պետք է առանց ագրեսիայի մտնեն Թուրքիայի հավաքականի հետ խաղի մեջ։

-Ոչ, ես շարունակում եմ մնալ իմ կարծիքին։ Ես համոզված եմ, որ Հայաստանի հավաքականի մարզիչը պետք է հայ լինի։ Եվ ոչ միայն ծագումով, այլ պետք է վարժ խոսի հայերեն և ունենա հայերին բնորոշ ազգային հոգեկերտվածք։ Սրանք շատ կարևոր պայմաններ են, և ես գտնում եմ, որ հաջողության գրավական են հավաքականի համար։

Նշենք, որ Եվրո-2024-ին ընտրական խմբում Հայաստանի հավաքականը 3 խաղերից հետո ունի 6 միավոր ու այս պահին աղյուսակի երկրորդ տեղում է։ Թուրքերին հաղթելու դեպքում մեր թիմը կհավասարվի մրցակցին միավորներով ու կկարողանա բարձր տրամադրությամբ մոտենալ սեպտեմբերի 11–ին կայանալիք Խորվաթիայի հավաքականի հետ խաղին։