ԵՐԵՎԱՆ, 8 սեպտեմբերի – Sputnik. Sputnik Արմենիա ռադիոկայանի «Մենք» հաղորդաշարի հեղինակ Աշոտ Գևորգյանի պաշտպանական կողմն այն կարծիքին է, որ նա որևէ առնչություն չունի զինամթերքի ապօրինի շրջանառության հետ կապված քրեական վարույթի հետ։ Այս մասին Sputnik Արմենիայի հետ զրույցում հայտնեց Գևորգյանի փաստաբան Լիանա Գրիգորյանը։
Տեղեկացրել էինք, որ ռազմամթերքի ապօրինի շրջանառության կասկածանքով Սյունիքի մարզում սեպտեմբերի 6-ին և 7-ին ձերբակալվել է թվով 7 անձ, այդ թվում՝ Միկա Բադալյանը և Աշոտ Գևորգյանը։
Նրա խոսքով Գևորգյանն այժմ գտնվում է Գորիսի ձերբակալվածների պահման վայրում։ Նշենք, որ ըստ օրենքի, անձը ձերբակալվում է 72 ժամով։
Հայտնել էինք, որ սեպտեմբերի 6-ի երեկոյան Գորիսում բերման են ենթարկել ռուսամետ բլոգեր Միկա Բադալյանին և Sputnik Արմենիայի սյունակագիր Աշոտ Գևորգյանին։
Աշոտ Գևորգյանը մեկնել էր Սյունիք սահմանամերձ բնակավայրերի մասին ռադիոնյութեր պատրաստելու համար։ Նրա հաղորդումներում 2020-ի պատերազմում պարտությունից հետո սուր-քննադատական գնահատականներ կան։
Միկա Բադալյանն արդեն մեկ անգամ կալանավորվել էր, հետո գրավի դիմաց ազատ էր արձակվել։