ԵՐԵՎԱՆ, 8 սեպտեմբերի – Sputnik. Ադրբեջանը շարունակում է ապատեղեկատվություն տարածել սահմանին տիրող իրավիճակի վերաբերյալ։ Այս մասին հայտնում է ՀՀ ՊՆ մամուլի ծառայությունը։
«Ադրբեջանի պաշտպանության նախարարության հաղորդագրությունն այն մասին, թե սեպտեմբերի 8-ին` ժամը 13։35-ից 13։45-ն ընկած ժամանակահատվածում, ՀՀ ԶՈւ ստորաբաժանումներն իբր կրակ են բացել սահմանագոտու հարավարևմտյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը»,–ասվում է ՊՆ հաղորդագրության մեջ։
Հիշեցնենք` այսօր ավելի վաղ Ադրբեջանի ռազմական գերատեսչությունը իրականությանը չհամապատասխանող լուր էր տարածել Արցախի մասով։ Նշվում էր, իբր ՊԲ ստորաբաժանումները ամրաշինական աշխատանքներ են կատարել Ասկերանի շրջանում, որոնք կասեցվել են ադրբեջանական ստորաբաժանումների գործողությունների արդյունքում։ Արցախի ՊՆ–ն հերքել էր այդ հաղորդագրությունը։