«Ես ռոք աստղ չեմ լինի, ես լեգենդ կդառնամ». Ֆրեդի Մերկուրիի պատմությունը՝ լուսանկարներում

Սեպտեմբերի 5-ին լրանում է ռոքի լեգենդ, աշխարհահռչակ Queen խմբի առաջին վոկալիստ Ֆրեդի Մերկուրիի (իսկական անունը՝ Ֆարուհ Բալսարա) ծննդյան 77-ամյակը: Ֆրեդիան ծնվել է Զանզիբարում, որտեղից երիտասարդ տարիքում ընտանիքի հետ արտագաղթել է քաղաքական փոփոխությունների հետ կապված անկարգությունների պատճառով։

Հայտնի Queen խմբի մեներգիչըդառնալուց առաջ Մերկուրին մի քանի երաժշտական խումբ է փոխել։ Ի դեպ, ի սկզբանե խումբը կոչվում էր Smile և վերանվանվել է հենց Ֆրեդիի պնդմամբ։

Բրայան Մեյը Հայաստանում պատմել է Ֆրեդի Մերկուրիի հետ իր զրույցների մասին

Մերկուրին հեղինակել է Queen խմբի այնպիսի հիթեր, ինչպիսիք են "Bohemian Rhapsody", "Killer Queen", "Seven Seas of Rhye", "Somebody To Love", "We Are the Champions", "don' t Stop Me Now", "Crazy Little Thing Called Love" և այլն։

Հայտնի է, որ Մերկուրին սարսափելի վախենում էր ինքնաթիռներով երթևեկելուց, պաշտում էր կատուներին, իսկ համերգից առաջ ոգեշնչման համար ավելորդ չէր համարում ինչ-որ մեկի հետ վիճել։ Ընդ որում, նա չի տառապել ավելորդ համեստությամբ։ Նրան վերագրում են հայտնի արտահայտությունը՝ «Ես ինչ-որ ռոք աստղ չեմ լինի, ես լեգենդ կդառնամ»։ Չորս օկտավայի վոկալի տիրույթը, էկզոտիկ տեսքը և էքսցենտրիկության ու բուրլեսկի նկատմամբ հակվածությունը Մերկուրիին արագորեն դարձրին աստղ, իսկ Queen-ը՝ 20-րդ դարի բրիտանական ռոքի առանցքային խմբերից մեկը:

We Will Rock You միանձնուհիներից. նրանք Ֆրեդի Մերկուրիից վատ չեն երգում. տեսանյութ

Այնուամենայնիվ, Մերկուրիի կյանքը լի էր ոչ միայն մեծությամբ և փառքով, այլև ողբերգությամբ: Երկար տարիներ նա ստիպված էր թաքցնել ոչ միայն ծագումը, իրական ազգանունը, սեռական կողմնորոշումը, այլև սարսափելի ախտորոշումը։ Նա մահացավ 45 տարեկան հասակում ՁԻԱՀ-ից:

1 / 12

«Queen» ռոք խմբի մենակատար Ֆրեդի Մերկուրին Փարիզի Բերսի սպորտային պալատում համերգի ժամանակ (1984 թ)

2 / 12

Ֆրեդի Մերկուրին օպերային բեմի թագուհիՄոնսերատ Կաբալիեի հետ ժամանում է Լոնդոնի թագավորական Ալբերտ Հոլ (1988 թ)

3 / 12

Ֆրեդի Մերկուրիի քույրը՝ Քաշմիր Քուքը (1999 թ)

4 / 12

Բրիտանական «Queen» ռոք խմբի անդամները բրիտանական ֆոնոգրաֆիկ ինստիտուտի պլատինե, ոսկե և արծաթե մրցանակները ստանալուց հետո. (Լոնդոն, 1976 թ)

5 / 12

Բրիտանացի երգիչ Ֆրեդի Մերկուրիի թագը

6 / 12

Ֆրեդի Մերկուրիի պատկերը էկրանին Բրայան Մեյի և Ադամ Լամբերտի «Օսկար» մրցանակաբաշխության ժամանակ, (2019 թ)

7 / 12

Ֆրեդի Մերկուրիի բրոնզե արձանը բրիտանական Queen ռոք խմբի պաստառի ֆոնին. Տոկիո

8 / 12

«Queen»-ի ելույթը և Փարիզի Բերսի սպորտային պալատում (1984 թ)

9 / 12

Ֆրեդի Մերկուրին և Բարբարա Վալենտայնը Մյունխենում (1980 թ)

CC BY-SA 4.0 / Unknown author / Freddie Mercury u. Barbara Valentin in der Dt. Eiche München (cropped photo)

10 / 12

«Queen» ռոք խմբի մենակատար Ֆրեդի Մերկուրին

CC BY 2.0 / Carl Lender / Queen

11 / 12

Queen խմբի անդամները լուսանկարվում են Բուենոս Այրեսի Շերատոն հյուրանոցի կտուրին (1981թ)

12 / 12

Բրիտանական Queen ռոք խմբի մենակատար Ֆրեդի Մերկուրիի արձանը Հարավային Կորեայում: