ԵՐԵՎԱՆ, 4 սեպտեմբերի – Sputnik. Երևան քաղաքում և հանրապետության հինգ մարզերում գտնվող 11 պատմամշակութային օբյեկտ ստացել են նորահայտ հուշարձանի կարգավիճակ։ Տեղեկությունը հայտնում է ՀՀ կրթության, գիտության, մշակութի և սպորտի նախարարության մամուլի ծառայությունը։
ՀՀ ԿԳՄՍ նախարարության փորձագիտական հանձնաժողովի այս տարվա 3-րդ նիստին տեղական նշանակության հուշարձանի կարգավիճակ են ստացել
1.
Երևան քաղաքի Շենգավիթ վարչական շրջանի` 1951 թ. կառուցված «Հայրենիք» կինոթատրոնի շենքը (ճարտ. Գր. Աղաբաբյան),2.
Քանաքեռ-Զեյթուն վարչական շրջանում գտնվող ՀՀ ԳԱԱ Հրաչյա Բունիաթյանի անվան Կենսաքիմիայի ինստիտուտի շենքի գլխավոր ճակատը զարդարող 1970 թ. կառուցված «Ծիլ և արև» (հեղինակ՝ Կ. Եղիազարյան, համահեղինակներ՝ Մ. Քամալյան, Ց. Ազիզյան) խճանկարը:3.
Արագածոտնի մարզի Արուճ գյուղի Սբ. Գրիգոր եկեղեցական համալիրի տարածքում գտնվող եռանավ սրահը (վաղ միջնադար, V-VI դդ.),4.
Մելիքգյուղ գյուղի Դամբարանադաշտը (վաղ բրոնզեդար, Ք. ա. III հազ., ուշ բրոնզ-վաղ երկաթ),5.
Արմավիրի մարզի Բագարան գյուղի Երվանդակերտ քաղաքատեղին ((դաստակերտ) մ. թ. ա. 3-րդ դ.– մ. թ. 14-րդ դ.),6.
Արմավիրի մարզի Բագարան գյուղի Երվանդակերտ քաղաքատեղի ապարանքը (մ. թ. ա. III դ.- մ. թ. IV դ.)7.
Արմավիրի մարզի Խանջյան գյուղի դամբարանադաշտը (Ք. ա. II-I հազ.),8.
Գեղարքունիքի մարզի Արտանիշ գյուղի Արտանիշ- 9 բնակատեղին (վաղ բրոնզի դարի II փուլ, մ. թ. ա. 28-26-րդ դդ.),9.
Արտանիշ- 9 դամբարանադաշտը (մ. թ. ա. 24-23-րդ դդ.),10.
Սյունիքի մարզի Տոլորս գյուղի Սբ. Հռիփսիմե միանավ բազիլիկ եկեղեցին (1861 թ.),11.
Վայոց Ձորի մարզի Չիվա գյուղի ժայռափոր (վիմափոր) ջրաղացը (XIII-XIV դդ.):Հանձնաժողովի հավանությանն է արժանացել Լոռու մարզի Ալավերդի համայնքի Ակներ գյուղական թաղամասի քարայր-կացարանների համալիրը (10-19-րդ դդ.) օգտագործման հանձնելու ծրագիրը:
Հանդիպմանը քննարկվել են նաև պատմության և մշակույթի 32 անշարժ հուշարձանների պահպանական գոտիների նախագծերը:
Ըստ սահմանված կարգի՝ դրանք կուղարկվեն համայնքների ղեկավարների և տարածքային կառավարման պետական մարմինների համաձայնեցմանը: