ԵՐԵՎԱՆ, 3 սեպտեմբերի - Sputnik. Շվեդիայի լիբերալ կուսակցությունը հանդես է եկել երկրի տարածքում ՆԱՏՕ-ի բազաների մշտական տեղակայման օգտին։ Այս մասին հայտարարել է կուսակցության առաջնորդ Յոհան Պերսոնը, գրում է ՌԻԱ Նովոստին։
«Կարծում եմ, որ պետք է պարզ լինի, որ սա շվեդ ժողովրդի անվտանգությունն ամրապնդելու միջոց է մի իրավիճակում, երբ արտաքին աշխարհը կարող է շատ լուրջ սպառնալիք ներկայացնել Շվեդիայի համար։ Այժմ մենք բոլորովին այլ խնդիր ենք ունենալու աշխարհի մեր մասում ՝ ՆԱՏՕ-ի մեր մասում։ Դա նշանակում է, որ ՆԱՏՕ-ի մշտական բազաների առկայությունն անհրաժեշտ է»,-հայտարարել է նա Sveriges Radio-ի եթերում։
Շվեդիան, ինչպես նաև Ֆինլանդիան 2022 թվականի մայիսին Ուկրաինայում տեղի ունեցած իրադարձությունների ֆոնին դաշինքին անդամակցելու հայտ են ներկայացրել ։ Ֆինլանդիան ապրիլի 4-ին դարձավ ՆԱՏՕ-ի 31-րդ անդամը։ Շվեդիայի հայտը դեռևս չի ստացել Հունգարիայի և Թուրքիայի վերջնական հավանությունը։