Արցախում Ադրբեջանի ԶՈւ-ի կրակոցի հետևանքով կա մեկ վիրավոր. ՊԲ

ԵՐԵՎԱՆ, 3 սեպտեմբերի – Sputnik. Արցախում Ադրբեջանի ԶՈւ-ի կրակոցի հետևանքով կա մեկ վիրավոր, հատնում է Արցախի ՊԲ մամուլի ծառայությունը։

«Սեպտեմբերի 3- ին, ժամը 14:20-ի սահմաններում ադրբեջանական զինուժը Արցախի Մարտակերտի շրջանի Ճանկաթաղի ուղղությամբ խախտել է հրադադարը` կիրառելով հրաձգային զենք և ՀԱՆ֊17 նռնականետ։ Ադրբեջանական զինուժը թիրախավորել է ջրատար մեքենան»,–ասված է հաղորդագրության մեջ։

Ժամը 15։30֊ի դրությամբ իրավիճակը շփման գծում հարաբերականորեն կայուն է։

Նշենք, որ այսօր առավոտյան ՀՀ ՊՆ էլ հայտնեց, որ սեպտեմբերի 3-ին՝ ժամը 01:40-ի սահմաններում, Ադրբեջանի ԶՈւ ստորաբաժանումները հրաձգային զենքերից կրակ են բացել Գեղարքունիքի մարզի Կուտականի հատվածում տեղակայված հայկական դիրքերի ուղղությամբ: