Ինչո՞ւ է Նորիկ Նորիկյանն ուզում Երևանի քաղաքապետ դառնալ. թեկնածուն բացել է խաղաքարտերը

Երևանի ընտրությունները կարող են շրջադարձային լինել. մայրաքաղաքում գործող իշխանության օրինական ընտրությունների միջոցով պարտության և քաղաքական մթնոլորտի փոփոխության արդյունքում հնարավոր կլինի հասնել իշխանափոխության։ Sputnik Արմենիայի հետ հարցազրույցի ժամանակ նման տեսակետ հայտնեց «Արդար Հայաստան» կուսակցության քաղաքապետի թեկնածու Նորիկ Նորիկյանը։

Նշենք, որ Երևանում օգոստոսի 23-ից մեկնարկել է ավագանու նախընտրական քարոզարշավը, որը տևելու է մինչև սեպտեմբերի 15–ը։ Ընտրությունների մասնակցելու հայտ են ներկայացրել 13 կուսակցություն ու մեկ դաշինք։

Նորիկյանն արձանագրում է, որ անկախությունից ի վեր ՀՀ–ում երբեք օրինական ընտրությունների միջոցով ընդդիմությունը չի եկել իշխանության։ Եվ իրենց նպատակը առաջին հերթին վստահության քվե ստանալն է երևանցիների կողմից, այնուհետև պատրաստվելը գլոբալ փոփոխությունների։

«Մենք ուզում ենք արժեհամակարգային փոփոխություն իրականացնել այս առումով, որ գործող իշխանությունը սկզբում Երևան քաղաքում օրինական ընտրությունների միջոցով պարտվի, ինչը հնարավորություն կտա մեզ և մեր հետ արժեհամակարգային նմանություն ունեցող ուժերին համատեղ կոալիցիոն Երևան քաղաքի իշխանություն ձևավորելուց հետո և ՀՀ–ում քաղաքական մթնոլորտի փոփոխության արդյունքում պատրաստվել հերթական կամ արտահերթ խորհրդարանական ընտրություններին և հասնել իշխանափոխության»,–ասաց Նորիկյանը։

Քաղաքապետի թեկնածուն համոզված է, որ Երևանն իր դիրքով ու իր ռեսուրսներով հայրենիքի համար կարևոր ստրատեգիական նշանակություն ունի, իսկ Երևանի քաղաքապետին համարում է երկրի «փոքր վարչապետ»։

Ըստ նրա` այն լիազորությունների ծավալը, որն ունի Երևանի քաղաքապետն ու ավագանին, հնարավորություն է տալիս արձանագրելու, որ ավագանին իր քաղաքական կշռով շատ լուրջ ազդեցություն պետք է ունենա երկրի կառավարման գործընթացում, իսկ քաղաքապետը պետք է դառնա Անվտանգության խորհրդի անդամ ու մասնակցի երկրի կարևորագույն հարցերի քննարկմանը։

«Սակայն իշխող ուժի կողմից Երևանի ավագանու ընտրությունների քաղաքական նշանակությունը նսեմացվել, իսկ դրա ազդեցությունը փոքրացել է, ավագանու ինստիտուտը և Երևանի քաղաքապետի պաշտոնը արժեզրկվել է։ Այն, որ այս ընտրությունը և ընդհանրապես ընտրական գործընթացը քաղաքական է, այստեղ երկրորդ կարծիք լինել չի կարող»,–նշեց Նորիկյանը։

Այս ընտրությունները «Արդար Հայաստանի» թեկնածուի համար քաղաքային խնդիրների քարտեզից դուրս է և դա, նրա խոսքով, հասկանում է նաև երևանցին։

Այս համատեքստում նա ընդգծեց, որ բացառում է իշխանության հետ համագործակցությունը, քանի որ դա արժանապատվության հարց է, ինչպես նաև բացառում է և այն ուժերի հետ համագործակցությունը, որոնք, ըստ նրա, մասնակցել են ՀՀ ներկայիս ողբերգական վիճակի ձևավորմանը։

Իսկ Երևանի քաղաքապետ ընտրվելու դեպքում բացառում է նաև քաղաքապետի՝ գործադիր իշխանության խամաճիկ լինելը։

Ինչ վերաբերում է երևանյան խնդիրներին` առաջին գործը, որ նա պատրաստվում է որպես քաղաքապետ անել, դա Երևանի առկա խնդիրները գույքագրելն ու բյուջեի ուսումնասիրություն կատարելն է, իսկ բյուջեի վերահսկողությունը ընդդիմադիր ֆրակցիային հանձնելն է։ Այնուհետև մնացած աշխատանքները պատրաստվում է մասնագետների հետ համագործակցությամբ իրականացնել։

«Մեր կուսակցությունը նոր կուսակցություն է, և մենք ուզում ենք մեր երկրում` սկսած քաղաքից ինչ-որ բան փոխել, չենք ուզում այլևս պարտված ապրել, պետք է դուրս գալ այս վիճակից և արժանապատիվ շարժվել առաջ։ Երևան քաղաքի այս ընտրությունները կարող են շրջադարձային լինել»,–հավելեց նա։

Հիշեցնենք` Երևանի ավագանու ընտրություններին մասնակցելու հայտ են ներկայացրել հետևյալ ուժերը.