ԵՐԵՎԱՆ, 31 օգոստոսի - Sputnik. Բրյանսկի օդային տարածքում խոցվել է երեք ինքնաթիռ, տուժածներ և ավերածություններ չկան: Այս մասին հայտնում է ՌԻԱ Նովոստին՝ հղում անելով Բրյանսկի մարզպետ Ալեքսանդր Բոգոմազին։
«Մեր քաղաքացիների զգոնության շնորհիվ այսօր ЦОВ-112-ի հերթապահի վահանակին ահազանգ է ստացվել Բրյանսկ քաղաքում կասկածելի թռչող սարքերի հայտնաբերման մասին»,-նշել է մարզպետը։
Մարզպետը նշել է, որ հաղորդագրությունները ստուգելու համար ոտքի են հանվել Ռոսգվարդիայի և ՆԳՆ-ի Բրյանսկի շրջանի ստորաբաժանումները: ԱԹՍ-ները ոչնչացվել են հակադրոնային հրացանի և հատուկ կարաբինի օգնությամբ։
Տեղում աշխատում են օպերատիվ և արտակարգ ծառայությունները:
Ավելի վաղ նահանգապետը տեղեկացրել էր, որ երեկ ուկրաինական անօդաչուների գրոհները հետ մղելիս Բրյանսկի շրջանի երկնքում խոցվել է ինը ԱԹՍ, հարձակումները կանխվել են ՀՕՊ ուժերով: Երկու ԱԹՍ փորձել են հարձակվել Բրյանսկի հեռուստաաշտարակի վրա, անօդաչու թռչող սարքերից մեկի ընկնելուց հետո վնասվել է Բրյանսկի քննչական կոմիտեի շենքի տանիքը: Տուժածներ չկան։
Նախօրեին Ուկրաինայի զինված ուժերը զանգվածային հարձակում են իրականացրել Ռուսաստանի միանգամից մի քանի շրջանների վրա։ Հարվածների են ենթարկվել Մոսկվայի, Պսկովի, Ռյազանի, Կալուգայի, Բրյանսկի, Վորոնեժի և Օրյոլի շրջանները, ինչպես նաև Սևաստոպոլը։