ԵՐԵՎԱՆ, 30 օգոստոսի – Sputnik. ԱՄՆ նախկին նախագահ Դոնալդ Թրամփը կարծիք է հայտնել, որ ներկայիս ԱՄՆ նախագահ Ջո Բայդենը չի կարող երկիր ղեկավարել։
«Բայդենը նույնիսկ իր ոտքերի վրա չի կարողանում մնալ (Ռազմաօդային ուժերի ակադեմիայի ավարտական արարողության ժամանակ)։ Նա հաստատ չի կարող ղեկավարել մեր երկիրը։ Նա չի կարողանում ինքնաթիռ բարձրանալ առանց ընկնելու։ Եվ որ ավելի կարևոր է` չի կարողանում երկու նախադասություն կազմել», – «Իզվեստիյա» թերթի փոխանցմամբ` Truth Social սոցցանցում տեսաուղերձի տեսքով ասել է նա։
80-ամյա Ջո Բայդենը ԱՄՆ պատմության մեջ ամենատարիքով նախագահն է, նրա առողջական վիճակը պարբերաբար քննարկումների և մտահոգության առիթ է դառնում քաղաքացիների շրջանում։ Քաղաքական գործիչը շփոթում էր երկրների անուններն ու սայթաքում ինքնաթիռ բարձրանալիս։