Պաշտոնեական անփութություն. զինծառայողի հոսանքահարման դեպքով քրեական վարույթ է նախաձեռնվել

ԵՐԵՎԱՆ, 28 օգոստոսի — Sputnik. Զինծառայող Շավարշ Ակինյանի մահվան դեպքի առթիվ նախաձեռնվել է քրեական վարույթ՝ զինվորական պաշտոնեական անփութության հատկանիշներով։ Տեղեկությունը հայտնում է ՀՀ քննչական կոմիտեի մամուլի ծառայությունը։

Հայտնել էինք, որ օգոստոսի 26-ին ՀՀ ՊՆ N զորամասի զինծառայող Շավարշ Հովհաննեսի Ակինյանը, նախնական տվյալներով, հոսանքահարվել է: Զինծառայողը տեղափոխվել էր Կապանի ԲԿ, որտեղ ժամը 18:55-ին արձանագրվել է նրա կենսաբանական մահը:

Կատարվել է դեպքի վայրի զննություն, նշանակվել են մի շարք փորձաքննություններ:

Ձեռնարկվում են անհրաժեշտ և անհետաձգելի քննչական և վարութային այլ գործողություններ՝ դեպքի բոլոր հանգամանքները պարզելու ուղղությամբ: