ԵՐԵՎԱՆ, 27 օգոստոսի – Sputnik. Հայ պատանիները մրցանակային տեղեր են զբաղեցրել «29th Abu Dhabi International Chess Festival» մրցաշարում: Տեղեկությունը հայտնում է Հայաստանի շախմատի ֆեդերացիան։
Միքայել Ռոստոմյանը մինչև 2300 վարկանիշ ունեցող շախմատիստների խմբում 9 հնարավորից վաստակել է 7 միավոր և զբաղեցրել 3-րդ հորիզոնականը:
Ֆելիքս Թոխյանը մինչև 2000 վարկանիշ ունեցող շախմատիստների խմբում 9 հնարավորից վաստակել է 7 միավոր և զբաղեցրել 7-րդ հորիզոնականը։
Ֆելիքսը մասնակցել է նաև պատանեկան մրցաշարին և 7.5 միավորով զբաղեցրել է 5-րդ հորիզոնականը:
Համլետ Սահակյանը պատանեկան մրցաշարում զբաղեցրել է երրորդ հորիզոնականը մինչև 12 տարեկանների պայքարում:
Նշենք նաև, որ բոլոր մրցանակակիրների մարզիչն է Հայկ Խաչիկյանը:
Հայ շախմատիստները Աբու Դաբիի մրցաշարում մրցանակային տեղեր են զբաղեցրել
© Photo : Armenian Chess Federation