ԵՐԵՎԱՆ, 26 օգոստոսի – Sputnik. Նիգերի ԶՈւ ԳՇ պետ նշանակված Մուսա Սալաու Բարմուն հրամայել է երկրում ԶՈւ–ն առավելագույն պատրաստության աստիճանի բերել։
«Այս հաղորդագրությունը ստանալուն պես ողջ անձնակազմն առավելագույն պատրաստության վիճակի բերել», – ՌԻԱ Նովոստիի փոխանցմամբ` ասվում է ԳՇ պետի հրատապ ռադիահաղորդման մեջ։
Բարմուի խոսքով` որոշումը կայացվել է Նիգերի նկատմամբ ագրեսիայի էլ ավելի զգալի սպառնալիքների ֆոնին` ադեկվատ պատասխան ապահովելու նպատակով։
Ավելի վաղ հայտնի էր դարձել, որ Նիգերում իշխանությունը զավթած ապստամբները ԱՄՆ–ում պատրաստություն անցած Բարմուին ԶՈւ ԳՇ պետ են նշանակել։
Նիգերի զինվորականները հուլիսի վերջին ազգային հեռուստատեսությամբ հայտարարել էին նախագահ Մոհամեդ Բազումին իշխանությունից հեռացնելու մասին:
Արևմտյան երկրների մեծ մասի և ECOWAS-ի առաջնորդները դատապարտել են հեղաշրջումը: Օգոստոսի սկզբին ECOWAS-ի երկրները ծրագիր ընդունեցին, Նիգերում ռազմական ինտերվենցիայի դեպքում այն կիրառելու համար: