ԵՐԵՎԱՆ, 25 օգոստոսի – Sputnik. Եվրասիական միջկառավարական խորհրդի հաջորդ նիստը կանցկացվի 2023 թ. հոկտեմբերի 26-27-ը Ղրղզստանի Բիշքեկ քաղաքում։ Տեղեկությունը հայտնում է Ղրղզստանի կառավարության մամուլի ծառայությունը։
«Արտահերթ նիստի արդյունքներով կառավարությունների ղեկավարները Եվրասիական տնտեսական հանձնաժողովի խորհրդին հանձնարարել են մշակել Պետերբուրգյան հռչակագրի նախագիծը՝ Եվրասիական միջկառավարական խորհրդի առաջիկա նիստում դրա վերջնական տարբերակի քննարկման նպատակով, որը տեղի կունենա 2023 թ. հոկտեմբերի 26-27–ը Բիշքեկ քաղաքում»,– ասված է հաղորդագրության մեջ:
Նշենք, որ 2023թ. օգոստոսի 24–ին Հայաստանի Ծաղկաձոր քաղաքում տեղի է ունեցել Եվրասիական միջկառավարական խորհրդի արտահերթ նիստ։ Միջոցառմանը մասնակցել են Հայաստանի, Բելառուսի, Ղազախստանի և Ռուսաստանի կառավարությունների ղեկավարները:
Նիստի ընթացքում Եվրասիական միջկառավարական խորհրդի անդամները մտքեր են փոխանակել մինչև 2030 և 2045 թթ. ընկած ժամանակահատվածում միության ռազմավարական զարգացման վերաբերյալ, այդ թվում քննարկել են ինտեգրացիոն գործընթացների հետագա զարգացման հիմնական խնդիրների և առանցքային ուղղությունների մասին հռչակագրի նախագիծը: