ԵՐԵՎԱՆ, 23 օգոստոսի — Sputnik. Embraer բիզնես-ինքնաթիռը վթարի է ենթարկվել Տվերի մարզում, ինքնաթիռում եղած բոլոր մարդիկ զոհվել են։ Տեղեկությունը հայտնում Է ՏԱՍՍ-ը՝ վկայակոչելով Ռուսաստանի արտակարգ իրավիճակների նախարարության մամուլի ծառայությունը
«Embraer ինքնաթիռը Շերեմետևոյից ուղևորվում էր Սանկտ Պետերբուրգ։ Օդանավում եղել են երեք օդաչուներ և յոթ ուղևորներ։ Նրանք բոլորը զոհվել են»,- ասել է գործակալության զրուցակիցը։
Ինքնաթիռի կործանման փաստով հետաքննություն են սկսել «Ռոսավիացիա»–ում։
ՌԻԱ Նովոստիի փոխանցմամբ` ուղևորների ցուցակում է «Վագներ» խմբի ղեկավար Եվգենի Պրիգոժինի ազգանունն ու անունը։
Իր հերթին օդային տրանսպորտի դաշնային գործակալությունը հայտնել է, որ հետաքննություն է սկսել ինքնաթիռի կործանման փաստով։